విజయ్‌దేవరకొండ మార్షల్ ఆర్ట్స్ ఫైటర్‌గా కనిపించబోతున్నారు.విజయ్‌దేవరకొండ కథానాయకుడిగా పూరి జగన్నాథ్ ‘ఫైటర్’ పేరుతో ఓ చిత్రానికి సన్నాహాలు చేస్తున్న విషయం తెలిసిందే. వచ్చే ఏడాది జనవరిలో ఈ సినిమా సెట్స్‌మీదకు వెళ్లనుంది.తన సినిమాల్లోని కథానాయకుల్ని అత్యంత శక్తివంతులుగా, ధైర్యశాలురుగా ఆవిష్కరిస్తుంటారు దర్శకుడు పూరి జగన్నాథ్. హీరో పాత్ర చిత్రణపై ప్రత్యేక శ్రద్ధ తీసుకుంటారు. ఈ చిత్రంలో విజయ్‌దేవరకొండ మార్షల్ ఆర్ట్స్ ఫైటర్‌గా కనిపించబోతున్నారు. ఇందుకోసం ఆయన ఓ ట్రైనర్ ఆధ్వర్యంలో మార్షల్ ఆర్ట్స్‌లో శిక్షణ తీసుకోబోతున్నారు. చిత్రీకరణకు ఇంకా నాలుగునెలల సమయం ఉండటంతో అత్యంత సవాలుతో కూడిన శిక్షణకు ఆయన సిద్ధమవుతున్నారని తెలిసింది. “వినోదం, యాక్షన్ అంశాలు మేళవించిన కథ ఇది. అయితే మార్షల్ ఆర్ట్స్ కథాగమనంలో కీలకంగా ఉంటుంది. ఓ రకంగా సినిమాకు ఆయువుపట్టులా నిలుస్తుంది. అందుకే విజయ్‌దేవరకొండ ఫిట్‌నెస్‌పై ఎక్కువ దృష్టిపెట్టాలని నిర్ణయించుకున్నాం”.. అని చిత్రబృందం చెబుతున్నది. మార్షల్ ఆర్ట్స్ ఫైటర్‌గా విజయ్‌దేవరకొండ ప్రస్తుతం ‘ఫైటర్’ స్క్రిప్ట్‌కు తుదిమెరుగులుదిద్దే పనిలో ప్రస్తుతం దర్శకుడు పూరి జగన్నాథ్ బిజీగా ఉన్నారు
