`బ్యూటిఫుల్` ప్రీ రిలీజ్ ఫంక్షన్ డిసెంబర్ 23న హైదరాబాద్ ఐటిసి కోహినూర్ లో ఘనంగా జరిగింది. ఈ కార్యక్రమంలో హీరోయిన్ నైనా గంగూలీ విసిరిన స‌వాల్‌కు సంచలన దర్శకుడు రామ్ గోపాల్ వర్మ మొదటి సారి స్టేజ్ పైన నైనా గంగూలీతో కలిసి డాన్స్ చేయడం విశేషం. ఈ వీడియో ఇంటర్ నెట్ లో వైరల్ గా మారింది. టైగర్ కంపెనీ ప్రొడక్షన్ పతాకంపై టి. అంజయ్య స‌మ‌ర్ప‌ణ‌లో నైనా గంగూలి, సూరి హీరోహీరోయిన్లుగా అగస్త్య మంజు దర్శకత్వంలో రాంగోపాల్ వర్మ రూపొందిన లవ్ అండ్ రొమాంటిక్ ఎంటర్టైనర్ `బ్యూటిఫుల్` (ట్రి బ్యూట్ టు ‘రంగీలా’) అనేది ఉప శీర్షిక. టి. నరేష్ కుమార్, టి. శ్రీధర్ నిర్మాతలు. విడుదలైన పాటలకి మంచి రెస్పాన్స్ వస్తోంది. జ‌న‌వ‌రి 1న ఈ చిత్రం గ్రాండ్ గా విడుద‌ల‌కానుంది. ఈ కార్యక్రమంలో ప్రముఖ నిర్మాతలు సి .కల్యాణ్, తుమ్మలపల్లి రాంసత్యనారాయణ, నట్టి కుమార్,చంద్ర సిద్దార్థ్, బి వి ఎస్ రవి పాల్గొన్నారు.
రాంగోపాల్ వర్మ మాట్లాడుతూ – `నేను ‘రంగీలా’ సినిమా తీయడానికి చాలాముఖ్యకారణం ఊర్మిళ. ఊర్మిళ లాంటి అమ్మాయి లేకుంటే నేను ‘రంగీలా సినిమా తీసుండేవాణ్ణి కాదు.అదే ఇప్పుడు నైనా విషయంలో జరిగింది. ` బ్యూటిఫుల్’ నాకు చాలా స్పెషల్ ఫిలిం. కొంత మంది యాక్టర్స్ కొన్ని ప్రత్యేక మైన క్యారెక్టర్స్ కోసమే పుడతారనిపిస్తుంది. ఈ సినిమా కాస్టింగ్ కోసం చూస్తున్నప్పుడు అదే జరిగింది. అగస్త్యమంజు మీద నాకెప్పుడూ చాలా నమ్మకం ఉంటుంది. సిన్సియర్ గా వర్క్ చేస్తారు. ఈ లవ్ స్టోరీని ఒక కొత్త పంథాలో సరికొత్తగా చూపించారు. నట్టి కుమార్, అంజయ్య గారితో కలిసి ఈ సినిమా చేశాం. వారికి ధన్యవాదాలు. సూరి మొదటి సినిమా అయినా ఏ మాత్రం తగ్గకుండా సూపర్ గా చేశారు. రవిశంకర్ మంచి మ్యూజిక్ ఇచ్చారు. ‘బ్యూటిఫుల్’ అనేది నాకు తెలిసిన ఒక అమ్మాయికి సంబందించిన కథ. నేను గత పది పదిహేనేళ్లుగా లవ్ స్టోరీ జోలికి వెళ్ళలేదు. దానికి రెండు కారణాలు ఒకటి నన్నుఅంతగా ఇన్స్పైర్ చేసిన కథ .. రెండు నన్ను అంతగా ఇన్స్పైర్ చేసిన యాక్టర్ దొరకలేదు. అవి దొరికాయి కనుకనే ఈ సినిమా మొదలుపెట్టాం.మనసుకి ఆహ్లాదం కలిగించి మనల్నిఉద్రేకానికి గురిచేసే ఏ ఎమోషన్ అయినా ‘బ్యూటిఫుల్’. నేను హిట్ ని ఎంత ‘బ్యూటిఫుల్’ గా తీసుకుంటానో.. ప్లాఫ్ ని కూడా అంతే ‘బ్యూటిఫుల్’ గా తీసుకుంటాను. నేను ఎవరి మీద కంప్లైంట్ చేయను..నాకు ఎవరిమీద కోపం రాదు. నేను బ్యూటిఫుల్ కాక పోవచ్చు కానీ, నా లైఫ్ మాత్రం ‘బ్యూటిఫుల్’ గా గడిపాను” అన్నారు.
దర్శకుడు అగస్త్యమంజు మాట్లాడుతూ – ” ఈ సినిమా అంతా బొంబాయి లో ఉన్న దారవి అనే ఏరియాలో జరుగుతుంది. అది అంత ‘బ్యూటిఫుల్’ ప్లేస్ కాదు. కానీ అక్కడ మనుషులు బ్యూటిఫుల్ గా ఉంటారు. అందుకనే ఈ సినిమాకి ఆ పేరు పెట్టడం జరిగింది’ అన్నారు.
నిర్మాత సి .కల్యాణ్ మాట్లాడుతూ – “సినిమా అయినా, కాంట్రవర్సీ అయినా రాము అంత క్రియేటర్ లేరు. ‘సెన్సేష‌న‌ల్‌’ అనే పదం మీతోనే ఉంటుంది. అలానే ఉండాలని ..త్వరలో ‘శివ’ లాంటి మ‌రో మూవీ తీయాలని కోరుకుంటున్నా” అన్నారు.
ఆకాష్ పూరి మాట్లాడుతూ – ” రామ్ గోపాల్ వర్మ గారి గురించి తెలిసాక.. ఆయన దగ్గరకు వెళ్లి ఒక ఫోటో దిగాలి అనిపించింది. ఆర్ జి వి గారు ‘నాకు ఫీలింగ్స్ లేవు’ అంటారు. కానీ, ‘మెహబూబా’ సినిమా విడుదలై అంతగా ఆడకపోతే.. ఆరోజు నాకు ఫోన్ చేసి రెండు గంటలు మాట్లాడారు. అంత కేర్ తీసుకుంటారు ” అన్నారు.
చిత్ర స‌మ‌ర్ప‌కులు టి. అంజయ్య మాట్లాడుతూ – ” ఈ సినిమా గురించి ఎంత చెప్పినా తక్కువే అవుతుంది. అన్ని జోనర్స్ లో సినిమా తీయడం రామ్ గోపాల్ వర్మకే చెల్లింది. అతను ఇండస్ట్రీ కి ఒక డిక్షనరీ లాంటివారు” అన్నారు.
`బ్యూటిఫుల్` పాటలను సిరా శ్రీ అందించగా,,సంగీతాన్ని రవి శంకర్ సమకూర్చారు. ఈ చిత్రానికి సమర్పణ: టి.అంజయ్య, నిర్మాతలు: టి నరేష్ కుమార్, టి.శ్రీధర్, సహ నిర్మాతలు: నట్టి క్రాంతి, నట్టి కరుణ, రచన, ఫోటోగ్రఫీ, దర్శకత్వం: అగస్త్య మంజు
