స్టార్ హీరోస్, హీరోయిన్స్ ప్రస్తుతం సినిమాల‌తో బిజీగా ఉంటూనే వ్యాపార రంగంలోను రాణిస్తున్న సంగ‌తి తెలిసిందే. గ‌తంలో నాగార్జున ,చిరంజీవి ప్ర‌ముఖ ఛానెల్‌లో భాగ‌స్వామిగా ఉన్నారు. ప్రస్తుతం ప్రభాస్ కూడా ఓ ఎంటర్‌టైన్‌మెంట్‌ ఛానెల్‌లో భాగ‌స్వామి అయ్యేందుకు ఉత్సాహం చూపిస్తున్న‌ట్టు తెలుస్తుంది. ప్రభాస్ స్నేహితులు వంశీ కృష్ణా రెడ్డి, ఉప్ప‌ల‌పాటి ప్ర‌మోద్‌లు త్వ‌ర‌లో ఓ టీవీ ఛానెల్ ప్రారంభిస్తున్నారు,అందులో ప్రభాస్ కూడా భాగ‌స్వామి కానున్నార‌ని అంటున్నారు. మరి ఇందులో ఎంత నిజం ఉంద‌నేది తెలియాల్సి ఉంది. ఏదేమైనా స్టార్స్ ఓ వైపు న‌ట‌న‌ని కొన‌సాగిస్తూనే మ‌రోవైపు బిజినెస్ పై దృష్టి పెట్ట‌డం విశేషం. ఇటీవ‌లి కాలంలో మ‌హేష్ బాబు ‘ఏఎమ్‌బీ’ అనే మ‌ల్టీ ప్లెక్స్‌తో బిజినెస్ రంగంలోకి అడుగుపెట్టిన విష‌యం విదిత‌మే. బ‌న్నీ కూడా త్వర‌లోనే ఓ మ‌ల్టీప్లెక్స్ నిర్మించ‌నున్నాడ‌ట.మరి కొంతమంది హోటల్ బిజినెస్ చేస్తున్నారు. ప్రస్తుతం ప్రబాస్‌ ‘సాహో’ చిత్రంతో పాటు రాధాకృష్ణ సినిమాతో బిజీగా ఉన్నాడు ,’సాహో’ ఆగష్టు 15న ప్రేక్షకుల ముందుకు రానుంది.
