రామ్‌చరణ్ హీరోగా సుకుమార్ దర్శకత్వంలో తెరకెక్కుతోన్న ‘రంగస్థలం 1985’ చిత్రంలో హీరోయిన్‌గా సమంత నటిస్తోంది. అయితే సుకుమార్ సినిమా అనగానే అందులో గ్యారంటీగా ఐటంసాంగ్ ఉంటుంది. ఐటంసాంగ్ లేకుండా సుకుమార్ సినిమాని ఊహించడం కూడా కష్టం. ఎప్పటిలానే సుకుమార్ ఈ చిత్రంలో కూడా ఓ బంపర్ ఐటం సాంగ్‌ని ప్లాన్ చేశాడని తాజాగా వార్తలు వచ్చాయి. అయితే ఈ ఐటంసాంగ్‌లో చరణ్ ‘జంజీర్’ చిత్రంలో హీరోయిన్‌గా చేసిన ప్రియాంకా చోప్రా నర్తించబోతోందని వార్తలు వినిపించాయి. ఆ తర్వాత ప్రియాంకా కాదు బాలీవుడ్‌కి చెందిన మరో భామ కరీనా కపూర్ ఈ సాంగ్‌లో చేయనుందని, దీని కోసం భారీ రెమ్యూనరేషన్ కూడా ఇచ్చారని కథనాలు వచ్చాయి.
అయితే ఈ సాంగ్‌లో చరణ్‌తో జత కట్టబోతోన్న భామ గురించి అఫీషియల్‌గా సమాచారం వచ్చేసింది. ఇందులో ఎటువంటి బాలీవుడ్ హీరోయిన్ చేయడం లేదు. ‘దువ్వాడ జగన్నాధమ్’ చిత్రంలో అల్లు అర్జున్ సరసన హీరోయిన్‌గా నటించిన పూజా హెగ్డే ఈ ఐటంసాంగ్‌లో చేయబోతోన్నట్లుగా చిత్ర యూనిట్ అఫీషియల్‌గా తెలియజేసింది. మైత్రీ మూవీ మేకర్స్ నిర్మాతలు ఈ విషయాన్ని తమ ట్వీట్టర్ పేజ్‌లో తెలియజేశారు. అల్లు అర్జున్‌తో సక్సెస్ ట్రాక్‌లోకి వచ్చిన పూజా.. ఈ ఐటం సాంగ్‌తో మెగా హీరోయిన్‌గా మెగా ఫ్యాన్స్‌కి మరింత చేరువకానుంది.
