శుభఘడియలు దగ్గర పడుతున్నాయా?

అంచెలంచెలుగా ఎదుగుతూ నటనలో పరిణతి పొందుతూ నయనతార స్టార్‌ హీరోయిన్‌ అంతస్తును అందుకున్నారు.  లేడీ ఓరియెంటెడ్‌ చిత్రాల కథానాయకి అంతస్తుకు చేరుకుంది. అలా అగ్ర కథానాయకిగా రాణిస్తున్న నయనతార ప్రస్తుతం రూ.4 కోట్లు పారితోషికం పుచ్చుకుంటున్న ఏకైక దక్షిణాది కథానాయకిగా రికార్డుకెక్కింది.

సాధారణంగా రజనీకాంత్, విజయ్, అజిత్‌ వంటి స్టార్స్‌ చిత్రాల విడుదల కోసమే అభిమానులు ఆతృతగా ఎదురుచూస్తారు.స్టార్ హీరోలను దృష్టిలో పెట్టుకునే విడుదల సమయంలో వేకువజామునే చిత్రాల షో లు వేస్తుంటారు. నయనతార నటించిన తాజా  చిత్రం ‘కొలమావు కోకిల’ (కోకో). ‘అరమ్‌’ వంటి సంచలన చిత్రం తరువాత ఆమె ప్రధాన పాత్రలో నటించిన చిత్రం కావడంతో ‘కోలమావు కోకిల’ చిత్రంపై భారీ అంచనాలే నెలకొన్నాయి. ఆ చిత్రం తో నయనతార కూడా స్టార్స్‌ జతన చేరింది. ఆమె నటించిన ‘కోలమావు కోకిల’ చిత్రాన్ని శుక్రవారం నగరంలో ఉదయం 6 గంటల ఆటలను ప్రదర్శించారు.అది విద్యార్థులకు సెలవు రోజులో, పండగల సమయమో కాదు. అయినా ‘కోకో’ చిత్రాన్ని వేకువజాము ఆటలు ప్రదర్శించడం విశేషం. ఇలా హీరోయిన్లు ప్రధాన పాత్రల్లో నటించిన చిత్రాలు ఉదయం ఆటలు పడడం ఇదే ప్రథమం. ఆ విధంగా నయనతార ఈ చిత్రంతో స్టార్‌ నటులకు దీటుగా నిలిచిందనే చెప్పాలి.