భారీ ప్రణాళికతో మెగాస్టార్ ‘సైరా’ ప్ర‌మోషన్స్‌

‘సైరా’ షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ కార్యక్రమాల్లో బిజీగా ఉంది. ప్రస్తుతం ఎడిటింగ్ టేబుల్‌పై ‘సైరా’కు బిగ్ ఛాలెంజ్ ఎదురవుతోందట. ఈ సినిమాని ఎంత కట్ చేసినా 3.30 గంటల నిడివి కనిపిస్తోందట.ఆ మొత్తం ఫుటేజ్ నుంచి ఇంకా ఏం తీసేయాలి? అన్నదానిపై దర్శకుడు సురేందర్ రెడ్డి తర్జనభర్జన పడుతున్నారని తెలిసింది. ఎడిటర్‌తో కలిసి ఆయన ఇప్పటికే చాలా వరకు ట్రిమ్ చేశారు. ఇంకో అర్థగంట నిడివిని తగ్గించి తీరాలనేది ఓ టాస్క్. అయితే ఈ విషయంపై దృష్టి సారించాలంటే మెగాస్టార్ చిరంజీవి బరిలో దిగాల్సిందేనన్న మాట వినిపిస్తోంది.ఎడిటింగ్ టేబుల్‌పై ఎన్నో సందర్భాల్లో రన్ టైమ్ తగ్గించే బాధ్యతను చిరు తీసుకుని విజయవంతంగా ఆ పని పూర్తి చేశారు. చిరు దృక్కోణంలోంచి దర్శకుడు పరిశీలిస్తే ఎడిటింగ్ చాలా సులువు అయిపోతుందని కొందరి కామెంట్.

అక్టోబర్ 2న ‘సైరా’ ప్రేక్షకుల ముందుకు రానుంది. ఇంకో రెండు నెలల సమయం మాత్రమే మిగిలి ఉంది. ఈలోగానే ఎడిటింగ్ సహా విఎఫ్‌ఎక్స్ పెండింగ్ పనులు పూర్తి చేయాల్సి ఉంది.చివరికి ఏం చేసినా ‘సైరా- నరసింహారెడ్డి’ నిడివి 3 గంటలకు తేవాల్సి ఉంది. అందుకే ఇప్పుడు చిరు అందుకు సిద్ధమవుతున్నారని తెలిసింది. ఇప్పుడే రన్‌టైమ్ 30 నిమిషాలు తగ్గించగలిగితే ఆ మేరకు విఎఫ్‌ఎక్స్ పనులకు అదనపు ఖర్చు కూడా తగ్గుతుంది.