బోరెత్తించిన… ‘దేవ్’ చిత్ర సమీక్ష

కార్తి తనకు అలవాటైన పాత్రలో ఈజీగా చేసాడు. పాత్ర‌కు త‌గ్గ‌ట్టు బ‌రువు త‌గ్గాడు. లుక్ ప‌రంగా కొత్త‌గా క‌న‌ప‌డే ప్ర‌య‌త్నం చేశాడు. రోడ్ జ‌ర్నీని ఎంజాయ్ చేసే యువ‌కుడిగా.. ప్రేయ‌సి కోసం తాప‌త్ర‌య ప‌డే వ్య‌క్తిగా త‌న పాత్ర‌కు న్యాయం చేశాడు.ఎమోషనల్ సన్నివేశాల్లో ఆయన నటన చాలా బాగుంది. మేఘన పాత్రకు రకుల్ కరెక్ట్ గా సెట్ అయ్యింది. ర‌కుల్ ప్రీత్ సింగ్ ఇప్ప‌టి వ‌ర‌కు చేయ‌ని పాత్ర‌ .. కాస్త సీరియ‌స్‌గా సాగే పాత్ర‌లో న్యాయం చేసింది. వారి ఇద్దరి జోడి బాగుంది.ఇక హీరో స్నేహితుడిగా న‌టించిన విఘ్నేష్‌, అమృత పాత్ర‌లు నామ మాత్రం. ఇక హీరో తండ్రిగా న‌టించిన ప్రకాష్‌రాజ్‌, హీరోయిన్ త‌ల్లిగా న‌టించిన ర‌మ్య‌కృష్ణ పాత్ర‌లకు పెద్ద‌గా ప్రాధాన్యత లేదు. అంత న‌ట‌న చేయ‌గ‌లిగే న‌టుల‌ను అలాంటి ప్రాధాన్యం లేని పాత్ర‌ల‌కు ఎందుకు తీసుకున్నార‌నేది పెద్దప్ర‌శ్న‌?

హేరిస్ జైరాజ్ సంగీతంలో పాత ట్యూన్స్‌నే వింటున్న‌ట్టుగా అనిపించింది. హరీస్ జైరాజ్ అందించిన బ్యాక్ గ్రౌండ్ స్కోర్ పర్వాలేదు .వేల్ రాజ్ సినిమాటోగ్రఫీ సినిమా కు రిచ్ లుక్ తీసుకొచ్చాయి. అలాగే లొకేషన్స్ కూడా చాలా బాగున్నాయి.ముఖ్యంగా క్లైమాక్స్ లో వచ్చే ఎవరెస్టు ఎపిసోడ్ విజువల్స్ ఆకట్టుకుంటాయి.అంథోని ఎల్ రూబెన్ఎడిటింగ్ లో కొన్ని సన్నివేశాలను కట్ చేస్తే బాగుండేది -రాజేష్