వయోకామ్‌ 18 స్టూడియోస్‌, ఆంటో జోసెఫ్‌ ఫిల్మ్‌ ఫ్యాక్టరీ సంయుక్తంగా దుల్కర్‌ సల్మాన్‌, రీతూ వర్మ జంటగా నటించిన రొమాంటిక్‌ థ్రిల్లర్‌ ‘కణ్ణుమ్‌ కణ్ణుమ్‌ కుళ్లయడిత్తా’. తెలుగులో ‘కనులు కనులను దోచాయంటే’ నిర్మించాయి.. దేసింగ్‌ పెరియసామి దర్శకుడు. తెలుగులో ‘కెఎఫ్‌సి ఎంటర్‌టైన్‌మెంట్స్‌’ కమలాకర్ రెడ్డి, జనార్దన్ రెడ్డితో కలిసి డా. రవికిరణ్ విడుదల చేశారు. ఫిబ్రవరి 28న విడుదలైన ఈ సినిమాకు బుధవారం హైదరాబాద్ లో సక్సెస్ మీట్ నిర్వహించారు.
దుల్కర్‌ సల్మాన్‌ మాట్లాడుతూ ‘‘చూసిన వాళ్లందరికీ సినిమా నచ్చింది. ఓటీటీ, డిజిటల్‌ ఫ్లాట్‌ఫార్మ్స్‌లో చూసే సినిమా కాదు. ఇది థియేటర్లలో చూడాల్సిన సినిమా. నేను సినిమాను సింగిల్‌గా చూశా. థియేటర్లలో చూశా. ఈ సినిమాకు థియేటర్‌ ఎక్స్‌పీరియన్స్‌ వేరు. ఓటీటీలో వస్తుందని వెయిట్‌ చేయకండి. అనీష్‌ కురువిల్ల చాలా అందమైన విలన్‌గా చేశారు. రీతూ వర్మ అందమైన, టాలెంట్‌ ఉన్న అమ్మాయి. సినిమాలో డిఫరెంట్‌ షేడ్స్‌ ఉన్న క్యారెక్టర్‌ చేసింది. నా క్యారెక్టర్‌ సినిమా స్టార్టింగ్‌ నుండి ఆల్మోస్ట్‌ ఒకేలా ఉంటుంది. కానీ, ఆమె క్యారెక్టర్‌లో చాలా షేడ్స్‌ ఉన్నాయి. రీతూ సెటిల్డ్‌ పర్ఫార్మెన్స్‌ చేసింది. దర్శకుడు దేసింగ్‌ పెరియసామి హార్డ్‌ వర్క్‌కి రిజల్ట్‌ ఈ సినిమా. మాకు ఈ విజయాన్ని ఇచ్చిన తెలుగు ప్రేక్షకులకు థ్యాంక్స్‌’’ అని అన్నారు.
రీతూ వర్మ మాట్లాడుతూ ‘‘చాలా రోజుల తర్వాత తెలుగులో మంచి సినిమాతో రావడం సంతోషంగా ఉంది. తమిళంలో సినిమా పెద్ద హిట్‌ అని అక్కడ ప్రేక్షకులు డిక్లేర్‌ చేశారు. కంటెంట్‌ బావుంటే తెలుగు ప్రేక్షకులు సినిమాను హిట్‌ చేస్తారని ‘కనులు కనులను దోచాయంటే’ మరోసారి నిరూపించింది. దర్శకుడు దేసింగ్‌ పెరియసామి, సినిమాటోగ్రాఫర్ భాస్కరన్ ఈ సినిమాకు రియల్‌ హీరోలు. ఐదేళ్లు దర్శకుడు ఈ కథ, సినిమా కోసం కష్టపడ్డారు. కమర్షియల్‌ సినిమాల్లో హీరోయిన్లకు పర్ఫార్మెన్స్‌కి స్కోప్‌ ఉన్న రోల్స్‌ దొరకడం కష్టం. నాకు ఈ సినిమాలో మంచి రోల్‌ దొరికింది. దుల్కర్‌ సల్మాన్‌ గుడ్‌ కో–స్టార్. తనతో నటించడం మంచి ఎక్స్‌పీరియన్స్‌. రక్షణ్‌ కామెడీ టైమింగ్‌ అదుర్స్‌. నిరంజని సినిమాలో నా పార్టనర్‌గా కనిపించడమే కాదు, నాకు స్టైలిస్ట్‌గా వర్క్‌ చేసింది’’ అని అన్నారు.
డా. రవికిరణ్ మాట్లాడుతూ ‘‘కథ, కంటెంట్‌ నచ్చడంతో కెఎఫ్‌సి ఎంటర్‌టైన్‌మెంట్స్‌తో కలిసి రైట్స్‌ తీసుకున్నా. తమిళంలో ఈ సినిమా పెద్ద హిట్‌. తెలుగులో మంచి టాక్‌ రావడం సంతోషంగా ఉంది’’ అని అన్నారు.
అనిష్‌ కురువిల్ల మాట్లాడుతూ ‘‘మల్టీజానర్‌ ఫిల్మ్‌ ఇది. మంచి రైటింగ్‌, మంచి కాస్టింగ్‌ ఉంటే సినిమా సక్సెస్ అవుతుందని చెప్పడానికి ఎగ్జాంపుల్‌. దర్శకుడిగా ఇటువంటి సినిమా రాయడం, తీయడం కష్టం. థియేటర్లలోకి అరుదుగా ఇటువంటి సినిమాలు వస్తాయి. ‘పెళ్లి చూపులు’, ‘భరత్‌ అనే నేను’ తర్వాత మంచి రోల్‌ చేశా. సినిమాకు వస్తున్న ఫీడ్‌బ్యాక్‌ బావుంది’’ అని అన్నారు.
సినిమాటోగ్రాఫర్ . కె.ఎం. భాస్కరన్, మ్యూజిక్: మసాలా కాఫీ
బ్యాక్ గ్రౌండ్ స్కోర్: హర్షవర్ధన్ రామేశ్వర్, ఎడిటర్ : ప్రవీణ్ ఆంటోనీ, ఆర్ట్ : ఆర్.కె. ఉమాశంకర్,స్టంట్: సుప్రీమ్ సుందర్, కొరియోగ్రఫీ: ఎం. షెరీఫ్
