పొగడ్తలను స్వీకరించడమే కాదు.. విమర్శలను ఎలా తీసుకోవాలో కూడా బాగా తెలుసు’’ అని అంటోంది కాజల్. ఎప్పుడూ ఆసక్తికరంగా ఉండే విమర్శల మీద కాజల్ స్పందించారు…. ‘‘విమర్శ ఎక్కడ ఉండదు చెప్పండి? మనం ఏం చేసినా విమర్శించేవారు నీడలాగా ఉంటారు. చాలా సందర్భాల్లో అద్దంలో మనల్ని మనం చూసుకున్నప్పుడు ‘అలా ఉంటే బావుండేదేమో, ఇలా ఉండాల్సిందేమో’ అనుకుంటుంటాం. మన గురించి మనం అనుకుంటే తప్పు కాదు. కానీ మరొకరు చెబితే ఎక్కడిలేని రోషం వచ్చేస్తుంది. దీని అర్థం ఏంటంటే… విమర్శను మనం ఎలా స్వీకరిస్తాం అనేదాన్ని బట్టి మన తదుపరి చర్యలు, ఆలోచనలు ఆధారపడి ఉంటాయన్నమాట. సినిమాలకు ఒకరు, ఈవెంట్స్‌కి వెళ్లేటప్పుడు మరొకరు, టీవీ కమర్షియల్స్‌కు మరొకరు నాకు డ్రస్‌ డిజైన్‌ చేస్తుంటారు. వెళ్లిన ప్రతిచోటా నన్నూ, నా డ్రెస్సింగ్‌ను అందరూ మెచ్చుకోవాలని నేను కోరుకోను. ఒకవేళ ఎవరైనా విమర్శించినా పట్టించుకోను. ఆ సంగతి మావాళ్లు చూసుకుంటారు. అలాంటి విషయాలకు విలువిచ్చే తీరిక నాకెక్కడిది? నిజంగా వాటిని గురించి రోజుల తరబడి ఆలోచిస్తే నా రొటీన్ డిస్టర్బ్‌ అయిపోతుంది. అందుకే పొగడ్తలను స్వీకరించడమే కాదు.. విమర్శలను ఎలా తీసుకోవాలో కూడా బాగా తెలుసు’’ అని అన్నారు కాజల్.
