ప్రతాని రామకృష్ణ గౌడ్ మాట్లాడుతూ.. సుమన్ గారు ఇందులో అద్భుతమైన పోలీస్ పాత్రలో నటించారు. తను ఏ సినిమా చేసిన ఆ సినిమాలకు అన్ని ప్రమోషన్ లలో పాల్గొని సినిమాకు సపోర్ట్ గా, నిర్మాతకు అండగా నిలబడతారు . కొత్త సబ్జెక్టు తో చేసిన ఈ సినిమా చూశాను చాలా బాగుంది. అందరికీ కచ్చితంగా నచ్చుతుంది అన్నారు.
చిత్ర నిర్మాత కాయగూరల లక్ష్మీ పతి మాట్లాడుతూ.. ఇది ఒక బ్రెయిన్ కు సంబందించిన సినిమా. “మేధావి అయిన అమ్మాయి మెదడును అమ్మడానికి వాళ్ళ ప్రొఫెసర్ ఎలా ప్లాన్ చేశాడు?” అనే కొత్త యూనిక్ పాయింట్ ఇప్పటి వరకు రాలేదు. యూత్ బ్యాక్ డ్రాప్ లో తెరకెక్కిన ఈ సినిమాలో మా అబ్బాయి హీరోగా నటిస్తున్నాడు. ఈ సినిమాకు సుమన్, బెనర్జీ, సత్య ప్రకాష్ ,సూర్య, పల్లె రఘునాథ్ రెడ్డి,జబర్దస్త్ శేషు, గీతా సింగ్ వంటి మంచి నటీనటులు అలాగే మంచి టెక్నిషియన్స్ లభించారు. సినిమా బాగా రావాలని ఎక్కడా కాంప్రమైజ్ కాకుండా ఈ సినిమాను చేశాము అన్నారు.
చిత్ర దర్శకుడు శ్రీనివాస్ జి.యల్. బి మాట్లాడుతూ… సీనియర్ రైటర్ ఘటికాచలం గారు ఈ సినిమాకు మంచి మాటలు, పాటలు ,మ్యూజిక్ అందించారు. నేను చెప్పిన మంచి యూనిక్ సబ్జెక్టు నిర్మాత లక్ష్మీ పతి గారికీ నచ్చడంతో ఈ సినిమా చేస్తున్నారు. ఈ సినిమాలో నటించిన ప్రతి ఒక్కరూ మాకు ఫుల్ సపోర్ట్ చేస్తూ చాలా బాగా నటించారు. యూత్ కు సంబంభించిన మూవీ “IQ”. IQ అంటే మేధస్సుకు సంబందించిన చిత్రం. ఈ చిత్రంలో హీరో, హీరోయిన్స్ తో పాటు ఇందులో నటించిన వారంతా చాలా బాగా నటించారు. మంచి కాన్సెప్ట్ తో తీస్తున్న ఈ చిత్రానికి టెక్నిషియన్స్ అందరూ చక్కగా కుదిరారు అన్నారు.
సంగీత దర్శకుడు పోలూరి ఘటికాచలం మాట్లాడుతూ …
అన్ని రంగాల్లో మాఫియా వచ్చింది. విద్యారంగంలో కూడా మాఫియా వస్తే స్టూడెంట్స్ పరిస్థితి ఏంటి అనే కొత్త పాయింట్ ఇప్పటి వరకు రాలేదు. యూత్ బ్యాక్ డ్రాప్ లో తెరకేక్కిస్తున్న ఈ చిత్రం అందరికీ కచ్చితంగా నచ్చుతుంది అన్నారు.
డి ఓ పి సురేందర్ రెడ్డి మాట్లాడుతూ… మంచి ఐక్యూ ఉన్న అమ్మాయిని హీరో ఎలా సేవ్ చేశాడు అనేది చాలా ఇంట్రెస్ట్ గా ఉంటుంది. ఇది చిన్న సినిమా అయినా మంచి కాన్సెప్ట్ తో వస్తున్న ఈ సినిమా అందరికీ కచ్చితంగా నచ్చుతుంది
చిత్ర హీరో సాయి చరణ్ మాట్లాడుతూ.. రెగ్యులర్ స్టోరీ కి భిన్నంగా ఇలాంటి మంచి సినిమాలో నటించే అవకాశం కల్పించిన శ్రీనివాస్ గారికి ధన్యవాదాలు అన్నారు.
