సుమన్ కీల‌క పాత్ర‌లో నటించిన ”మీలో ఒకడు” సినిమా టీజ‌ర్, ట్రైలర్ లాంచ్ కార్య‌క్ర‌మం జ‌రిగింది. ఆధ్యాత్మిక గురు ఏపీ సాధు పరిషత్ అధ్యక్షులు శ్రీ శ్రీనివాసనంద స్వామి శ్రీ సూర్యనారాయణ క్రియేషన్స్ బ్యాన‌ర్‌ను లాంచ్ చేశారు. ఈ సినిమా టీజ‌ర్‌ను దర్శకనిర్మాత లయన్ సాయి వెంకట్, వ్యాపార‌వేత్త ఎస్వీఆర్ నాయుడు టీజ‌ర్ విడుద‌ల చేశారు. హీరో సుమన్, ఆధ్యాత్మిక గురు యద్దనపూడి దైవాధీనం, పిట్ల మనోహర్ సినిమా ట్రైలర్ ఆవిష్కరించి చిత్ర‌యూనిట్‌ను అభినందించారు. చిన్ని కుప్పిలి సమర్పణలో శ్రీ సూర్యనారాయణ క్రియేషన్స్‌పై లయన్ కుప్పిలి శ్రీనివాస్ హీరోగా నటిస్తూ నిర్మిస్తున్న చిత్రం ”మీలో ఒకడు”.
కుప్పిలి శ్రీనివాస్ మాట్లాడుతూ.. సుమన్ గారు నాకు జీవితంలో మర్చిపోలేని అనుభూతులు ఇచ్చారు. నా అభిమాన హీరో సుమన్ గారు మా సినిమాలో నటించడం మాకు ఎంతో అదృష్టం. ఆయ‌న స‌ల‌హాలు, సూచ‌న‌లు సినిమాకు ఎంతో విలువైన‌వి. సినిమాను చాలా ఇష్టంగా చేశాను. మంచి టెక్నిషియన్స్‌తో ఈ సినిమా చేసాము. ప్రేక్షకుల దీవెనలు మా సినిమాపై ఉండాలని ఆశిస్తున్నాము అన్నారు. మా ఊరు సర్పంచ్ ఎస్వీఆర్ నాయుడు గారు లేకపోతే నేను లేను అన్నారు..
సుమన్ మాట్లాడుతూ.. ”మీలో ఒకడు” సినిమాలో నటించడం సంతోషంగా ఉంది. సినిమా ఎంతో బాగా వచ్చింది. ఎన్నో ట్విస్టులు ఉన్నాయి. కుప్పిలి శ్రీనివాస్ సినిమాను ఎక్క‌డా కంప్రమైస్ కాకుండా తీశారు. సినిమా విజయవంతం కావాలని కోరుకున్నాను. నేను 44 సంవత్సరాల నుంచి సినిమాలు చేస్తున్నాను. నా నిర్మాతలకు అన్ని విభాగాల‌కు చెందిన‌వారికి, నా అభిమానులకు నా పాదాభివందనం..అన్నారు.
ప్రసన్న కుమార్ మాట్లాడుతూ… సినిమాలకు వెళ్లి చూసే వారిలో యూత్, మాస్ అధికంగా ఉంటారు. అలాంటి యూత్, మాస్ ఆడియ‌న్స్‌కు కనెక్ట్ అయ్యే సినిమా ”మీలో ఒకడు”. మానవీయ కోణంలో సుమన్ ఈ సినిమా చేశారు. తండ్రి పాత్ర‌లో చేశారు. అలాంటి సీనియ‌ర్ న‌టుడు నటించిన ఈ సినిమా మంచి విజ‌యం సాధించ‌డం ఖాయం అన్నారు.
సాయి వెంకట్ మాట్లాడుతూ... సుమన్ గారు ఈ సినిమా చేయడం ఎంతో గొప్ప విష‌యం. కుప్పిలి శ్రీనివాస్ ఎంతో క‌ష్ట‌ప‌డి, ఇష్ట‌ప‌డి ”మీలో ఒకడు” సినిమా చేశాడు. ఎంతో ఎదుగుతున్నాడు. రాబోయే రెండుమూడేళ్ల‌లో మ‌రెంతో ఎద‌గాల‌ని కోరుకుంటున్నాను.. అన్నారు.
కుప్పిలి శ్రీనివాస్ హీరోగా, హ్రితిక సింగ్ , సాధన పవన్ హీరోయిన్స్ గా నటించిన ఈ చిత్రానికి
రచయిత : శివప్రసాద్ ధరణికోట, డి.ఓ.పి : పొడిపి రెడ్డి శ్రీను మ్యూజిక్ డైరెక్టర్ : జై సూర్య, కొరియోగ్రాఫర్ : అమ్మ రాజశేఖర్
