డైన‌మిక్ అడ్వ‌కేట్ పాత్ర‌లో మలికిరెడ్డి వీర్ ,దయానంద్ రెడ్డి, ఢిల్లీ గణేశన్, గిరిధర్ ప్రధాన పాత్రల్లో రవి గోగుల దర్శకత్వంలో, సిల్వర్ కాస్ట్ బ్యానర్‌పై శాంతమ్మ మలికిరెడ్డి ఈ చిత్రాన్ని నిర్మించారు. ఈ చిత్రం 27న థియేట‌ర్‌ల‌లో విడుద‌లై హిట్ టాక్ తెచ్చుకుంది. ఈ సంద‌ర్భంగా ‘లీగల్లీ వీర్’ చిత్ర యూనిట్ స‌భ్యుల‌ను ప్ర‌ముఖ నిర్మాత, తెలంగాణ ఫిలిం డెవ‌ల‌ప్‌మెంట్ కార్పోరేష‌న్ చైర్మన్ దిల్ రాజు అభినందించారు. ‘లీగల్లీ వీర్’ వంటి మంచి కంటెంట్ ఉన్న సినిమాలు రావాల్సిన అవ‌స‌రం ఉంద‌న్నారు. కంటెంట్ ఉంటే ప్రేక్ష‌కులు ఆద‌రిస్తార‌ని ఎన్నో సార్లు రుజువు అయింద‌న్నారు.
హీరో మలికిరెడ్డి వీర్ మాట్లాడుతూ.. ‘‘ప్రేక్ష‌కుల‌కు ఓ మంచి సినిమా అందించాల‌న్న త‌ప‌న‌తో ‘లీగల్లీ వీర్’ చేశాం. చూసిన ప్ర‌తి ఒక్క‌రికి సినిమా న‌చ్చడం ఎంతో సంతోషంగా ఉంది. దిల్ రాజు గారు మా ‘లీగల్లీ వీర్’ సినిమాను అభినందించ‌డం ఆనందంగా ఉంది’’ అని అన్నారు.
ద‌ర్శ‌కుడు రవి మాట్లాడుతూ..‘‘స‌క్సెస్‌ఫుల్ నిర్మాత దిల్ రాజు గారు ‘లీగల్లీ వీర్’ సినిమాను అభినందించ‌డం ఎంతో సంతోషంగా ఉంది. డిసెంబ‌ర్ 27న విడుద‌లైన మా సినిమాను చూసి హిట్ చేసిన ప్ర‌తి ఒక్క‌రికి పేరుపేరున ధ‌న్య‌వాదాలు’’ అని చెప్పారు.
*సాంకేతిక బృందం:*
బ్యానర్: సిల్వర్ కాస్ట్ క్రియేషన్స్, నిర్మాతలు: మల్కిరెడ్డి శాంతమ్మ
సంభాషణలు – స్క్రీన్‌ప్లే-దర్శకత్వం: రవి గోగుల, సంగీతం: శంకర్ తమిరి
సినిమాటోగ్రాఫర్: జాక్సన్ జాన్సన్, అనూష్ గోరక్, ఎడిటర్: S.B. ఉద్ధవ్
