ఈ బిజీ నటికి ఇరవై గంటల డ్యూటీ !

భూమి ప్రస్తుతం ‘సాంద్‌ కీ ఆంఖ్‌’ ప్రమోషన్‌ పనులు ఒక పక్క, మరో పక్క.. ‘పతి పత్నీ ఔర్‌ ఓ’ షూటింగ్‌తో తన సమయం అంతా కేటాయించాల్సి వస్తుంది. భూమి చేస్తోన్న మూడు సినిమాలు విడుదలకు సిద్ధమవుతున్నాయి. అందులో ‘సాంద్‌ కీ ఆంఖ్‌’ దీపావళికి ప్రేక్షకుల ముందుకు రానుంది. ‘పతి పత్నీ ఔర్‌ ఓ’ సినిమాలో ఈమె పాత్రకు సంబంధించిన చిత్రీకరణ పూర్తయింది. ఇక మరో పది రోజులు పాటు ‘బాల’ సినిమా ప్రమోషన్‌లో బిజీ కానుంది. అందులోనూ ఒక్క ‘సాంద్‌ కీ ఆంఖ్‌’ చిత్రం ప్రమోషన్‌కే 30 రోజులు కేటాయించింది. ఎందుకంటే… ఇందులో సామాజిక సందేశం ఉండడంతో చాలా ఆసక్తి చూపింది భూమి. అంతేకాదు ఒక రోజే రెండు చిత్రాలకు ప్రమోషన్‌ చేపట్టాల్సి రావడంతో రెండు రోజుల పాటు 20 గంటల డ్యూటీ కూడా చేసిందట.