అమిర్‌ ఖాన్… తన బయోపిక్‌ను తన కుమారుడు జునైద్ ఖాన్ చేయగలడు అని విశ్వాసం వ్యక్తం చేశారు బాలీవుడ్ కథానాయకుడు ఆమిర్ ఖాన్. అంతేకాదు… జునైద్ బాలీవుడ్ అరంగేట్రం కోసం ఓ మంచి స్క్రిప్టు కోసం చూస్తున్నట్లు చెప్పారు. కుమార్తె ఇరా కూడా సినిమా రంగంలోకి రావాలని సిద్ధమవుతోందట. జునైద్,ఇరా అమీర్ మొదటి భార్య రీమా పిల్లలు. అమీర్ ఆ తర్వాత కిరణ్ రావు ను పెళ్లి చేసుకున్నారు.ముంబయిలో ఆమిర్ బయోపిక్ గురించి విలేకరులు ప్రశ్నించారు. దీనికి ఆయన స్పందిస్తూ… దానికి జునైద్ ఉత్తమ ఎంపికని అభిప్రాయపడ్డారు. నాకు తెలిసి జునైద్ నా బయోపిక్ చేయగలడు. అతడే సరైన ఛాయిస్‌. అతడు నటనలో శిక్షణ పొందాడు. దాదాపు ఏడాదిగా రంగస్థల నాటకాల్లో చేస్తున్నాడు. కానీ నేను స్క్రీన్‌ టెస్ట్‌ను నమ్ముతాను. కాబట్టి జునైద్ ఓ పద్ధతిలో తనేంటో నిరూపించుకోవాలి. ఓ తండ్రిగా అతడికి నా సూచన ఏంటంటే.. కేవలం హీరో పాత్రను చేయడమే కాకుండా అందులో లీనం కావాలి. ఓ హీరోగా ఉండటమే కాదు.. స్క్రీన్‌పై ఆ పాత్రలో జీవించాలి. అదే నటనలో ఉండే సంతోషం. దాన్ని ప్రతి నటీనటులు నమ్మాలి అని ఆమిర్ పేర్కొన్నారు.
