చేతులెత్తేసాడు…. ‘సవ్యసాచి’ చిత్ర సమీక్ష

నాగ చైతన్య ఒకరిలో ఇద్దరిలా చక్కని నటనను కనబరిచాడు. గత తన సినిమాల్లో కంటే ఈ సినిమాలో కొత్త లుక్ తో ఫ్రెష్ గా కనిపించాడు. తన నటనతో అక్కడక్కడా నవ్వించే ప్రయత్నం చేస్తూనే, ఇటు సెటిల్డ్ పెర్ఫార్మెన్స్ తో హీరోగా తన పాత్రకి పూర్తి న్యాయం చేశాడు. అలాగే తన మేనకోడలు మహాలక్ష్మితో ఎమోషనల్ సన్నివేశాల్లో కూడా చైతు నటన బాగుంది.హీరో హీరోయిన్ల మధ్య సీన్లు, వారి మధ్య కెమిస్ట్రీ బాగానే అలరిస్తుంది.కథానాయకిగా నటించిన నిధి అగర్వాల్ తన గ్లామర్ తో పాటు..తన నటనతోనూ బాగా ఆకట్టుకుంటుంది. ముఖ్యంగా కాలేజీ సన్నివేశాల్లో , ప్రేమ సన్నివేశాల్లో ఆమె చాలా బాగా నటించింది.తెలుగు ప్రేక్షకులకు లవర్ బాయ్ గా పరిచయం ఉన్న మాధవన్.. పవర్ ఫుల్ విలన్ పాత్రలో తన గాంభీరమైన నటనతో మెప్పించారు. అయితే మాధవన్‌ని పూర్తిగా ఉపయోగించుకోలేదనే భావన కలిగిస్తుంది. మరో కీలక పాత్రలో నటించిన భూమిక కూడా ఎప్పటిలాగే తన నటనతో ఆకట్టుకుంది.ఇక వెన్నెల కిషోర్, సత్య తమ కామెడీ టైమింగ్ తో మ్యానరిజమ్స్ తో బాగా నవ్విస్తారు. ముఖ్యంగా వెన్నెల కిషోర్, షకలక శంకర్ల కామెడీ బాగా పేలింది. ఇక మిగిలిన నటీనటులు కూడా తమ పాత్ర పరిధి మేరకు బాగా నటించారు.