నవ ఉదయం సమర్పణలో నేచర్ ఆర్ట్స్ బ్యానర్‌పై బీఆర్ సభావత్ నాయక్ టైటిల్ రోల్ పోషిస్తూ “చే” చిత్రానికి దర్శకత్వం వహిస్తున్నారు. క్యూబా పోరాటయోధుడు చేగువేరా జీవిత చరిత్ర ఆధారంగా రూపొందుతున్న మూవీ “చే”. (లాంగ్ లైవ్ అనేది ట్యాగ్ లైన్). క్యూబా తరువాత ప్రపంచంలోనే చేగువేరా బయోపిక్ ఇది. ఈ సినిమా ట్రైల‌ర్‌ను చిత్ర యూనిట్ విడుదల చేసింది. “చే” చిత్ర ట్రైలర్ ,ఇప్ప‌టికే విడుద‌లైన ఈ మూవీ ఫస్ట్ లుక్, టీజ‌ర్‌కు మంచి రెస్పాన్స్ వ‌చ్చింది.
సూర్య, బాబు, దేవేంద్ర సంయుక్తంగా నిర్మిస్తున్న ఈ మూవీలో లావణ్య సమీరా, పూల సిద్దేశ్వర్, కార్తీక్ నూనె, వినోద్, పసల ఉమా మహేశ్వర్ కీలకపాత్రలు పోషిస్తున్నారు. రవిశంకర్ సంగీతం అందిస్తున్నారు. పోస్ట్ ప్రోడక్షన్ పూర్తి చేసుకున్న ఈ సినిమా త్వరలో సెన్సార్ కు వెళ్లనుంది.. ఇటీవలే చేగువేరా కూతురు డాక్టర్ అలైదా గువేరా ఈమూవీ ఫస్ట్ లుక్ ను లాంచ్ చేసి చిత్రయూనిట్‌ను అభినందించారు.
దర్శకుడు బి.ఆర్ సభావత్ నాయక్ మాట్లాడుతూ.. “చేగువేరా బయోపిక్ తీయాల‌న్న‌ది త‌న ఇర‌వై ఏళ్ల క‌ల అని అన్నారు. విప్లవ వీరుడు చేగువేరా లైఫ్‌లో జ‌రిగిన ఎన్నో అరుదైన విష‌యాలు త‌మ సినిమాలో చూపించిన‌ట్టు తెలిపారు. అనాటి పరిస్థితులను క‌ళ్ల‌కు క‌ట్టిన‌ట్టు తెర‌కెక్కించామ‌ని, క్వాలిటీ విష‌యంలో ఎక్కడ కాంప్రమైజ్ కాలేద‌ని చెప్పారు. తాజాగా విడుద‌లైన ట్రైల‌ర్‌కు మంచి రెస్పాన్స్ రావ‌డం సంతోషంగా ఉంద‌న్నారు. ఈ మూవీ పోస్టర్‌ను చేగువేరా కూతురు డా.అలైదా గువేరా విడుదల చెయ్యడం అదృష్టంగా భావిస్తున్న‌ట్టు తెలిపారు. ఈ చిత్రాన్ని డిసెంబ‌ర్ ఫస్ట్ వీక్‌లో థియేట‌ర్‌ల‌లో గ్రాండ్‌గా విడుదల చేయ‌నున్న‌ట్టు తెలిపారు.
