మెగాస్టార్ చిరంజీవితో “ఖైదీ నంబర్ 150” సినిమా చేసి స్టార్ హీరోయిన్‌గా మరింత పాపులారిటీ తెచ్చుకున్న కాజల్ ఇప్పుడు తన యాభై వ సినిమాలో నటించేస్తోంది. మూడు, నాలుగేళ్లకే హీరోయిన్ల తరం మారుతున్న తరుణంలో ఓ హీరోయిన్ 50 సినిమాలు చేయడమన్నది నిజంగా విశేషమే. తేజ దర్శకత్వంలో దగ్గుబాటి రానా హీరోగా నటించిన ‘నేనే రాజు నేనే మంత్రి’ మూవీతో యాభై సినిమాలు పూర్తిచేసుకుంటున్న కాజల్ తనలోని కొత్త యాంగిల్‌ను చూపిస్తానంటోంది…..
ఇప్పటివరకు ఆమెకు అనేక సినిమాల్లో గ్లామర్ డాల్ పాత్రలతో పాటు పలు చిత్రాల్లో పర్ఫార్మెన్స్ ఓరియెంటెడ్ పాత్రలు కూడా దక్కాయి. ఇప్పుడు తన కెరీర్‌లో ప్రయోగాలు చేసే సమయం వచ్చేసిందని అంటోంది ఈ బ్యూటీ. ఇప్పటివరకు తనకు ఫుల్ లెంగ్త్ కామెడీ రోల్‌ను ఎవరు ఆఫర్ చేయలేదని… అందుకే తనలోని ఆ యాంగిల్ ఎవరికీ తెలియదని చెబుతోంది కాజల్….
“నాతో కామెడీ సినిమా చేసే ఫిల్మ్‌మేకర్స్ కోసం ఎదురుచూస్తున్నాను. నాలో ఉన్న ఫన్నీ యాంగిల్‌ను త్వరలోనే ప్రపంచానికి చూపించాలని అనుకుంటున్నాను” అని చెప్పింది కాజల్ అగర్వాల్. మరి కాజల్‌కు పూర్తిస్థాయి కామెడీ రోల్ చేసే అవకాశం ఎప్పుడొస్తుందో …..
